19. juni 2018 inviterte Idrettscampus Bergen til foredrag og sofaprat med temaet "10 000 treningstimar for å bli best, men kva med alt det andre?"

Torstein Andersen Aase, Hilde Lerøy og Jonas Grønner delte sine historiar om livet som toppidrettsutøvar på godt og vondt. Med fagleg innspel frå psykolog Per Sjøberg og under god leiing av coach Michael Jørgensen fekk vi vere vitne til ein kveld med stor openhet og sterke inntrykk.

Idrettscampus Bergen har med dette sett fokus på eit viktig tema innan idretten, og vi håpar desse flotte utøvarane med sine historiar kan inspirere til meir openhet kring mental helse og utfordringar med det å vere toppidrettsutøvar, eller unge talent på veg mot toppen.

Om du var ein av dei som ikkje fekk billett til det utselde arrangementet, fortvil ikkje. Trykk på tittelen under for å sjå arrangementet i sin heilhet.