VM i vektløfting
Den miste byen med det største hjartet!
Mange sterke utøvarar skal løfte tungt på denne scena i løpet av meisterskapet
Under VM i vektløfting skjedde det mykje spennande både på og utanfor stevnearenaen! Her får du ei oppsummering på det som Idrettsklynge Vest var innblanda i under meisterskapet.
Konferansen «Krafta i oss»
Konferansen "Krafta i oss" gav innblikk i meisterskapet «bakom scena». Her fekk vi blant anna fekk sjå den imponerande treningsarenaen utøvarane nytta medan dei var i førde, og vi fekk heie fram den lokale utøvaren Julia Jordanger Loen til norgesrekordar.
Det vart også delt nyttige erfaringar frå tidlegare og komande arrangørar av store meisterskap i Noreg, blant anna frå U23 EM i Bergen.
I tillegg presenterte Kjersti Halvorsen, møteplassleiar i Arrangementskompetanse, den nye, digitale ressurssida, som møteplassen har utvikla. Her kan komande arrangørar nyttig informasjon og gode tips til korleis ein bør gå fram i dei ulike stega i arrangementsprosessen.
Under konferansen presenterte også Tom Erik Solstad og Atanu Nath, begge forskarar ved Høgskulen på Vestlandet, forskingsprosjektet som skal undersøke arrangørar, publikum og utøvarar si oppleving av meisterskapet i Førde. Gjennom meisterskapsveka brukte forskarane tid på å samle inn spørreskjemasvar frå både utøvarar og publikum. Etter meisterskapet skal dei intervjue arrangørane og næringsliv. Resultata frå forskinga er forventa våren 2026. Forskingsprosjektet er støtta av FORREGION Vestland, og av møteplassen Arrangementskompetanse og Talent- og toppidrettsutvikling.
«Sunnfjords sterkaste?»
Høgskulen på Vestlandet hadde tatt med sin eigen mobile testlab frå Bergen til Førde under meisterskapet! Lab'en, som er ein 7,5 meter lang tilhengar med utstyr for styrketesting, stod plassert utanfor stevnearenaen, Førdehuset. Her kunne forbipasserande teste grepsstyrken sin og styrken i beina, og dei kunne bli med i konkurransen «Sunnfjords sterkaste». Nokre heldige blei trekt ut og fekk fine premiar. Både unge og gamle publikumarar, politimenn- og kvinner, utøvarar, politikarar og radiovertar tok turen innom testlabben.
.jpeg)
Vestland idrettskrets, Høgskulen på Vestlandet, Olympiatoppen Vest og Idrettsklynge Vest arrangerte også eit show på Elvetorget torsdag 8.september. Showet, som også hadde fått namnet "Sunnfjords sterkaste?" handla om styrketrening til ulike målgrupper. Ann-Katrin Grotle (HVL), Tom Erik Solstad (HVL), Vidar Andersen (HVL), Anja Liljegren (HVL), Ola Rognebakke (VIK) og Bodil Ryste (VIK) gav nyttige tips om korleis ein kan drive styrketrening for ulike målgrupper. Deira viktigaste bodskap? Styrketrening er viktig - uansett alder, kjønn og idrett!
Eit imponerande arrangement!
Den minste byen med det største hjartet leverte verkeleg under meisterskapet! Det var ekte idrettsglede, fellesskap og energi frå start til slutt. Vi er mektig imponert over kva arrangementsgjengen og alle dei frivillige har fått til!
