La oss spille sammen!
Vi varmar opp til Landsturneringen!
Mange hadde møtt opp i Universitetet i Bergen sine flotte lokaler i Nygårdsgaten 5 for å få med seg konferansen "La oss spille sammen"
Landsturneringen 2025 i Bergen!
Landsturneringen er Norges største arrangement for tilrettelagt fotball og handball for menneske medfunksjonsnedsettelsar. Turneringa er eit samarbeid mellom Norges Fotballforbund og Norges Håndballforbund, og arrangerast i ein ny by kvart år. I år var turen komen til Bergen, og som ei oppvarming til turneringa arrangerte Norges Håndballforbund Region Vest, NFF Hordaland, Vestland idrettskrets og NKBUF seminaret «La oss spille sammen!» 5.september.
Høgdepunkta frå seminaret
Gjennom dagen fekk vi høyre mellom anna politikarar, utøvarar, tidlegare utøvarar, trenarar og TV-produsentar dele av si erfaring og sin kunnskap.
Leiar for hovudutval for idrett, kultur og inkludering i Vestland fylkeskommune, Jakob Nødseth, opna seminaret og ønska alle utøvarar, lagleiarar og arrangørar lykke til med turneringa.
Handballpresident Randi H. Gustad viste oss engasjert det viktige arbeidet somhandballforbundet gjer for å skape handballglede for alle!
Ildsjel Ruth-Sølvi Helland frå årets handballklubb, Florø SK Handball, fortalte om korleis klubben jobbar får alle til å kjenne seg som ein del av laget.
Dagleg leiar i TV BRA, Camilla Kvalheim, løfta fram det viktige arbeidet TV-kanalen gjer for å inkludere alle i samfunnsdebatten. Prosjektleiar Ørjan Hinna i Veivalg og HELT MED oppmoda oss om å inkludere fleire med tilretteleggingsbehov i arbeidslivet – også i idrettslag!
Leiar for helse- og ernæring i REMA1000 og løpedronning Ingvill Måkestad Bovim viste oss kva inkludering betyr i REMA 1000, hovudsponsor for Landsturneringen.
Utøvar Peder Palmstrøm Halm og trenar Marius Nordbø delte frå kvardagen i Hop Stars – eitt av tretilrettelagde basketballag i Noreg
Ane Eide Kjærås i Norges Fotballforbund gav oss innsikt i UEFA Playmakers, eit konsept medgode erfaringar i tilrettelagt fotball.
Seminaret vart leia av supertrenar på Fana IL Fotball Superteam, Ingvild Morken. Ho passa også på at seminaret slutta i god tid til opningsshowet og parade utanfor Grieghallen. Her vart det skikkelig show for deltakarane med eit klarthøgdepunkt då Mikkel Munthe, kjent frå Team Pølsa, framførte låta si "Klikke".
Du kan lese høgdepunkt frå Landsturneringen på nettsidene.
