Kultur- og likestillingsministeren besøkte Idrettsklynge Vest
Korleis kan samarbeid på tvers av sektorar styrke folkehelsa? Det var eitt av spørsmåla då Kultur- og likestillingsminister Lubna Jaffery besøkte Idrettsklynge Vest og Energisenteret for barn og unge på Haukeland universitetssjukehus.
F.v. Randi Marie Berntsen Farnes (Vestland idrettskrets), Marita Oen (Hovudutvalg for kultur, idrett og inkludering, Vestland fylkeskommune), Randi-Luise Møgster (divisjonsdirektør, Divisjon psykisk helsevern, Helse Bergen og styremedlem i Idrettsklynge Vest), Cecilie Jelstad (Aktive Gamere), Lubna Jaffery (kultur- og likestillingsminister), Malene Joensen (Idrettsklynge Vest), Nils R. Sandal (styreleiar, Vestland idrettskrets), Sivert Helland Veseth (Energisenteret for barn og unge, Helse Bergen), Gottfried Greve (Barne- og ungdomsklinikken, Helse Bergen, tidlegare styremedlem i Idrettsklynge Vest).
Idrettsklynge Vest fekk nyleg besøk av Kultur- og likestillingsminister Lubna Jaffery, saman med medlem i hovudutvalet for kultur, idrett og inkludering i Vestland fylkeskommune, Marita Oen, og fylkessekretær i Vestland Arbeiderparti, Stig Morten Frøiland.
Under besøket fekk dei høyre meir om Idrettsklynge Vest-modellen, og korleis aktørar i Vestland samarbeider på tvers av fag og sektorar for å styrke arbeidet med folkehelse, idrett og fysisk aktivitet.
Gjennom møteplassane i klynga samlast organisasjonar frå helse, idrett, forsking, utdanning og offentleg sektor for å utvikle nye samarbeid og løysingar. Under besøket presenterte vi fleire av prosjekta og initiativa i Idrettsklynge Vest som er i gang:
- kVinnelaget - ein ny møteplass som skal bidra til at fleire kvinner og jenter kan ta aktiv del i samfunnet
- Aktivitetsguidar på tvers – eit samarbeid støtta av Sparebankstiftelsen SR-Bank for å samordne aktivitetsguide-modellar på tvers av tre organisasjonar i Bergen (Vestland idrettskrets og Helse Bergen
- Tretthetsbruddprosjektet – forsking på førekomst og risikofaktorar for trettheitsbrot hos unge fotballspelarar
- Regionalt arrangørnettverk – under etablering for å styrke samarbeid, kompetansedeling og utvikling blant arrangørar av større idrettsarrangement i Vestland
- Aktive Gamere – eit initiativ som fremjar kunnskapsbasert, trygg og sunn gaming
Som ein del av programmet fekk besøket også ei omvisning ved Energisenteret for barn og unge på Haukeland universitetssjukehus.
Her blir fasilitetar som gymsal, VR-rom, hjarte- og lungelab og basseng nytta aktivt i behandling og oppfølging av barn og unge. Eit av måla på Energisenteret er å gjere overgangen frå sjukehus til kvardagen heime så god som mogleg, og samstundes skape sterke koblingar mellom helse, idrett, forsking og utdanning.
Energisenteret er eit godt døme på kva som kan skje når ulike sektorar samarbeider tett for å styrke barn og unge si helse og deltaking i aktivitet.
Vi takkar for eit hyggeleg besøk, og ønskjer velkomen tilbake!
