Samfunnsinnovasjon: Vellykka arrangement under Arendalsuka 2023
Under Arendalsuka arrangerte Idrettsklynge Vest panelsamtale om innovasjon på samfunnsnivå for å skapa betre løysingar og samhandling på tvers av offentleg sektor, privat næringsliv, frivilligheit og befolkninga elles.
![Glad gjeng etter gjennomført panelsamtale](https://cdn.prod.website-files.com/601a99af108eb6e27b12c801/64e70575aa3be16a7d91a8e5_2.jpg)
Utgangspunktet var innovasjonsprosjektet EnAvTi som omhandlar kommunikasjon med barn og unge rundt mat, kropp og eteforstyrringar der ein har nytta Design Thinking som metode i utviklingsarbeidet.
Helsedirektoratet framhevar eteforstyrringar hos barn og unge som ei av dei største folkehelseutfordringane i tida framover.
Sjå panelsamtalen i opptak her.
Arrangementet under Arendalsuka var i samarbeid med Alrek Helseklynge, ROS, These Ways Bergen Næringsråd og Switch. I panelet stilte Jon Askeland (fylkesordførar VLFK og styreleiar Idrettsklynge Vest), Randi-Luise Møgster (viseadmin. Helse Bergen), Monica Mæland (Bergen Næringsråd), Adelie Dorseuil i Helsedirektoratet og DigiUng, Monica Fossnes Petterson (avd. direktør og innsikt og innovasjon KS) og Marianne Håheim (interessepolitisk rådgivar i ROS). Moderatorar var Monica Hannestad (These Ways) og Pål Hafstad Thorsen (Idrettsklynge Vest).
Formålet med panelsamtalen var å samla viktige stemmer frå offentleg, frivillig og privat sektor til felles innsats for samfunnsinnovasjon generelt og eteforstyrringar spesielt. I etterkant blir det gjennomførte workshops og strategiarbeid for å ta vidare arbeidet med EnAvTi. I tillegg arrangerer Idrettsklynge Vest i samarbeid med Vestland Idrettskrets og Olympiatoppen Vest temakveld om idrett og eteforstyrringar i Bergen 20.09.23.