Fagdag i kroppsøving
Etter omlag to år utan å kunne møtast fysisk, var det torsdag 21.april endeleg klart for ein fysisk fagdag i kroppsøving. "Etterlengta, lærerikt og veldig morosamt!" oppsummerar kroppsøvingslærar Espen Rognsvåg.
![Fagdag i Kroppsøving](https://cdn.prod.website-files.com/601a99af108eb6e27b12c801/6262a2e1beb77c55503dc94e_ballongleik.jpg)
Ballongleik under sesjonen "Leik og tilpassa opplæring"
Litt over 30 kroppsøvingslærarar møttest torsdag 21.april ein halv dag fylt med kroppsøving. Dagen starta i dei nye lokala til Åsane VGS med eit spennande innlegg frå kroppsøvingslærar Geir Bangstad om relasjonsbygging i kroppsøvingsfaget. Deretter, etter litt å bite i, gjekk turen vidare til Åsane Arena. Her kunne dei frammøtte velje mellom å delta i tre ulike praktiske sesjonar; Leik og tilpassa opplæring med høgskulelektor Anne Henriksen, Basketball med Geir Bangstad, eller Turn med Esben Martinsen.
![](https://cdn.prod.website-files.com/601a99af108eb6e27b12c801/62629f93bd4349403ac91001_turn.jpg)
Kroppsøvingslærar Espen Rognsvåg frå Os VGS var fornøgd med dagen:
Det er veldig kjekt å kunne møtast fysisk igjen! Det er gjerne ikkje så mange kroppsøvingslærarar på kvar enkelt skule, og då blir det ekstra viktig å ha felles møteplasser kor vi kan møtast for å utveksle erfaringar og idear. Også er det alltid kjekt med fagleg påfyll! Så absolutt ein bra dag!
![](https://cdn.prod.website-files.com/601a99af108eb6e27b12c801/6262a2b566ec4635f5a93c37_espen.jpg)
Dagen var arrangert som eit samarbeid mellom møteplassen Kroppsøving og fysisk aktivitet i Idrettsklynge Vest, fagnettverk for kroppsøving i Vestland Fylkeskommune og Nasjonalt senter for mat, helse og fysisk aktivitet. Arrangørgruppa var glade for at dei endeleg fekk arrangere noko fysisk, og ser fram til å samarbeide om å arrangere fleire slike fagdagar i framtida.
![](https://cdn.prod.website-files.com/601a99af108eb6e27b12c801/6262a108f8c760c9a8d73b18_basketball.jpg)
Her kan du sjå tidlegare kroppsøvingswebinar frå møteplassen Kroppsøving og fysisk aktivitet.