Rullestolteknikkurs
Lyst å lære meir om grunnleggjande rulletolteknikk?
Jobbar du tett på personar som brukar manuell rullestol er det avgjerande at du sjølv har den grunnleggjandde kompetasen om tilpassing og bruk av rullestol for at du skal kunne lære den vidare. Kurset legg vekt på learning-by-doing med praktisk trening av rullestolteknikk leia av rettleiarar med lang egenerfaring i rullestol, men innheld også forelesningar om posisjonering, meistring og belastningsførebyggande tiltak presentert av terapeutar med klinisk erfaring frå rehabilitering- og meistringsrettleiing.
Dato: 13.oktober-14.oktober
Tidspunkt: 09:00-15:00 (begge dagar)
Stad: HVL Campus Kronstad, Bergen,rom F106
Pris: 1000 kr (inkluderer lunsj).
Kurset si målsetning er å gje kroppsleg erfaring, teknisk forståing, praktiske ferdigheiter og teoretisk kunnskap om sjølvstendigheit og livskvalitet i manuell rullestol. Kurset formidlar teoretisk, praktisk, erfaringsbasert og refleksiv kunnskap om fysisk belastning på kroppen sine strukturar gjennom langvarig sitting og bruk av rullestol, med spesielt fokus på å redusere risikofaktorar, førebygge belastningsskadar og fremje helse for personar som er avhengige av manuell rullestol for mobilitet.
Kursinnhald dag 1:
- Erfaringsdeling
- Rullestolferdigheiter som grunnlag for sjølvstendigheit og deltaking i samfunn.
- Belastningsproblematikk og trykksår
- Tilpasse rullestolar - skru og tilpasse eigen stol
- Praktisk trening: Grunnleggande ferdigheiter- innandørs og utandørs
- Rullestolen sine komponentar og tilpasining - teknisk og funksjonelt
- Oppsummering
Kursinnhald dag 2:
- Refleksjonar frå gårsdagen
- Praktisk trening: Framkomlegheit utandørs for sjølvstende og samfunnsdeltaking - innandørs og utandørs
- Praktisk trening: Aukande kompleksitet i omgjevnadane - innanførs og utandørs
- Refleksjonar og erfaringar
- Oppsummering
Begge dagar inkluderar lunsj og pauser.
Hugs å kle deg etter været!
Kurset baserar seg på eigenerfaring med å sitje i stol gjennom heile kurset. Dette vil gje nyttige erfaringar.
Kurset er godkjent av Norsk Fysioterapiforbund i oppbygging av spesialkompetanse og ved fornying av relevant spesialistgodkjenning.
Fagansvarleg for kurset: Unni Moen.
Unni er fysioterapeut PhD, med lang klinisk erfaring med tilpassing og opplæring i rullestol. Ho er medlem av møteplassen Heile laget. Den praktiske delen av kurset leiast av personar som sjølv brukar manuell rullestol.
Påmelding: https://www.letsreg.com/no/register/rullestolteknikkurs2026_19062026080250#/
Arrangør: Møteplassen Heile Laget