Aktive Gamere

Gjennom Aktive Gamere ynskjer vi å få gamere og e-sportsinteresserte ut av gutte- og jenteromma og inn i positive fellesskap.

Vi informerar og legg til rette for ein gaming- og e-sportkultur med fokus på balanse i livet der fysisk aktivitet, søvn, og kosthald er ein viktig del av spelinga. Med dette håpar vi å skape ein større aksept og forståing for denne ungdomskulturen.

Gaming og e-sport er den største fritidsinteressa blant barn og unge. Fenomenet veks, men er framleis i stor grad uorganisert. I møte med gaming og e-sport har vi alt å tene på å utveksle informasjon, lære av kvarandre, og saman støtte opp om ein inkluderande, positiv, aktiv og spennande meistringsarena. Gjennom Aktive Gamere skapar vi desse møteplassane, i tillegg til å formidle denne kunnskapen og kompetansen ut gjennom aktivegamere.no